شيله / ياسلام الله على الهاجس

جبت القصيدة الاصل وتختلف بكم كلمه عن الشيله ^^

عنوان القصيد / ياسلام الله على الهاجس

ياسلام الله على الهاجس ليا هبت هبوبه
يرتفع بالشاعر أبعد مايكون الإرتفاعي

مايفكر في شروق الكون ولاّ في غروبه
لو تقول الأرض دارك ، قال ماللأرض داعي !

فوق جنحان الخيال مسافرٍ يعرف دروبه
سابحٍ بين الكواكب والمتاهات الوساعي !

القمر والشمس والمريخ داخل كم ثوبه!
ماغبط (ناسا) على سفن الفضاء والأختراعي!

مايعيش الشاعر إلا بين ذنب وبين توبه
أكثر أحلامه غريبه وأكثر أيامه صراعي

ياخيال الشعر فكري خصب وأنت أكثر خصوبه
ماقدرت أصل حدودك رغم عرفي وإطلاعي

مستحيل أضمن نجاح القاف ولاّ أضمن رسوبه
المهم إنه على راحة مزاجي وإقتناعي

أشرب أطراف السحاب العذب وأحب العذوبه
وأبتعد عن مايريب الذوق قدر المستطاعي

مامشيت بخطوة بالرجل ماهيب محسوبه
- ولا تعلمت أخدع الأصحاب بالضحك الصناعي

آخذ أسلوب التوازن فالسهوله والصعوبه
والربا والغش مايدخل على مدي وصاعي

ومن تحداني تحديته وشلت السيف صوبه
أعرف أشن الهجوم الصعب وأعرف الدفاعي

ينتصر سيف الله المسلول ، والروم مغلوبه
صارمٍ حده يداوي رأس من يشك الصداعي

والله إنا مانقارن بين غفران وعقوبه
حتى لو إنا توطينا على روس الأفاعي

ماتراقصنا على طبل الدعايات الكذوبه
مثل ناسٍ حطموا رقم النفاق الأجتماعي

ناصل العليا بجهدٍ كل خلق الله درو به
ماوصلناها بحرف (الواو) والدفع الرباعي

ولانعيّد غير عيدٍ كل الأمه عيدوبه
الثوابت ماعليها بين خلق الله نزاعي

يالعل الشعر حسناته تخفف من ذنوبه
علماً إنا ماسعينا إلا حميدات المساعي

حفظ

اتمنى ان تنال القصيده على اعجاب الجميع ^^

تقبلووو تحياتي

الله يعطيك العافيه على هذا الطرح
والتقديم الرائع
ننتظر جديدكـــ القادم

دمت بكل خير

شكراً لكم على هذا المرور والتعليق

اطيب وارق تحيه مني لكم ولقلوبكم الطاهره

الله يعطيك العافيه ع القصيدة
الجد جميلة والتي نالت اعجابي
شكرا

» لا تنسى ذكر الله